صراط عشق صراط عشق
مونٹریکس کنونشن سے لے کر لاوزان امن معاہدے تک، یونان کسی بھی بین الاقوامی معاہدے کا احترام نہیں کر رہا ، انقرہ اور ایتھنز کے درمیان تمام سفارتی حاصلات کو واپس پلٹا رہا ہے اور علاقائی کشیدگی کو ہوا دے رہا ہے۔
اس ماہ کے آغاز میں، ترک صدر رجب طیب اردگان نے یونان کے ساتھ دوطرفہ تعلقات کو معطل کرنے کا اعلان کیا تھا جس کی وجہ انہوں نےیونان کی طرف سے بین الاقوامی معاہدوں کی خلاف ورزی کرتے ہوئے مشرقی بحیرہ ایجیئن کے جزیروں کی "فوجکاری” قرار دیا تھا۔
اپنےسخت گیر تبصروں میں، اردگان نے بعد میں ایتھنز کو ترکی کی جنگ آزادی کے بارے میں یاد دلایا جب ترکوں نے قابض مشترکہ افواج کو شکست دی تھی جس میں یونان بھی شامل تھا۔
یونان کا دعویٰ ہے کہ اس کے اقدامات عالمی اصولوں کے دائرے میں ہیں اور اسے اپنے دفاع میں کام کرنے کا حق حاصل ہے۔ دوسری طرف، ترکی کا اصرار ہے کہ یونان نے بین الاقوامی معاہدوں اور بین الاقوامی قانون کے تحت اپنی ذمہ داریوں کی خلاف ورزی کی ہے۔
لیکن بین الاقوامی معاہدے جزائر کی غیر فوجی حیثیت کے بارے میں کیا کہتے ہیں؟ بین الاقوامی قانون کے قواعد اور جزائر کی غیر فوجی حیثیت کو منضبط کرنے والے بین الاقوامی معاہدوں کی دفعات پر اگرگہری نظر ڈالی جائے تو یہ یونان کے دعووں کو غلط ثابت کرتے ہیں اور یہ ظاہر کرتے ہیں کہ ایتھنز واقعی بین الاقوامی قانون کی خلاف ورزی کر رہا ہے۔
ایک واضح تصویر کے لیے، جزیروں کے گروپ کو ان بین الاقوامی معاہدوں کی روشنی میں تین حصوں میں تقسیم کیا جا سکتا ہے جو ان کی قانونی حیثیت کو منضبط کرتے ہیں۔
شمال مشرقی ایجیئن جزائر اور وسطی ایجیئن جزائر
لاوزان امن معاہدے (1923) کے آرٹیکل 13 کے مطابق، لیسبوس، چیوس، ساموس اور نیکاریا کے جزائر پر کوئی بھی بحری اڈہ اور قلعہ بندی قائم نہیں کی جا سکتی۔ ان پابندیوں کے مقاصد پر غور کرتے ہوئے، یعنی ‘امن کی بحالی کو یقینی بنانا’ اور جارحانہ تیاریوں کی کوششوں کو روکنا، آرٹیکل 13 کا مطلب ان جزائر کی غیر فوجی قرار دینا ہے،اس غیر فوجی عمل کا مطلب یہ ہے کہ یہاں آرمی بیس، نیول بیس اور ایئر بیس کا قیاممکن نہیں ہے۔
ان پابندیوں کے علاوہ، آرٹیکل 13 میں کہا گیا ہے کہ "ان جزیروں میں یونانی فوجی دستے فوجی خدمات کے لیے بلائے جانے والے عام دستے تک محدود رہیں گے”۔ ‘نارمل دستہ’ کا مطلب ہے کہ ان جزائر پر یونانی فوجی دستے صرف ان جزائر کے لوگوں پر مشتمل ہو سکتے ہیں جنہیں سرکاری طور پر طے شدہ مدت کے لیے بھرتی کیا جا سکتا ہے، جو اس وقت 9 سے 12 ماہ کے درمیان ہے۔
مزید برآں، پولیس اور فوجی پولیس کی تعداد باقی یونان میں موجود افراد کی تعداد کے تناسب سے ہوگی۔ لہٰذا، پولیس اورفوجی پولیس فورسز کا ہونا ان جزائر پر امن قائم رکھنے کے مقصد تک محدود ہے۔
لیمناس اور سموتھریس
آبنائے کی حکومت سے متعلق لاوزان کنونشن کا آرٹیکل 4 (1923) لیمنوس اور سمتھریس کے جزیروں کو غیر فوجی بنانے کی ضرورت پر زور دیتا ہے۔ غیر فوجی سازی کے دائرہ کار میں، ان جزائر پر کوئی قلعہ بندی، کوئی مستقل توپ خانہ اور کسی فوجی فضائی تنظیم کی اجازت نہیں ہے۔ مزید برآں، کوئی مسلح افواج تعینات نہیں کی جائے گی سوائے پولیس اور جنڈرمیری(فوجی پولیس)فورسز کے جو نظم و ضبط برقرار رکھنے کے لیے ضروری ہیں۔
یونان کا دعویٰ ہے کہ مونٹریکس کنونشن سبھی آبنائے میں حکومت سازی کی شق (1936) نے لوزان کنونشن کو ختم کر دیا ہے، اور چونکہ مونٹریکس کنونشن میں لیمنوس اور سموتھریس کو غیر فوجی بنانے کے حوالے سے کوئی شق نہیں ہے، اس لیے ان جزائر کے لیے غیر فوجی کرنے کا اصول اب درست نہیں ہے۔
تاہم، سب سے پہلے اور سب سے اہم بات، مونٹریکس کنونشن میں کوئی واضح شق نہیں ہے جو لوزان کنونشن کے ‘ختم ہونے’ کی نشاندہی کرتی ہو۔
دوم، مونٹریکس کنونشن کا موضوع اور دائرہ کار لوزان کنونشن کی طرح نہیں ہے۔ لہٰذا، چونکہ لوزان کنونشن کے خاتمے کا مطلب کچھ معاملات کو غیر منظم چھوڑنا ہو گا، اس لیے مونٹریکس کنونشن کے الفاظ سے لوزان کنونشن کے ‘ختم ہونے’ کا اندازہ لگانا مشکل ہے۔
آخر میں، مونٹریکس کنونشن کا مقصد آبنائے کی حیثیت کو باقاعدہ بنانا اور ترکی کی سلامتی کو یقینی بنانا ہے۔ نیز، Lemnos اور Samothrace کی قانونی حیثیت کا تعین ،لوزان امن معاہدے کے تحت ترکی کی خودمختاری کے تحت آنے والے علاقوں کی قانونی حیثیت سے مختلف ہے۔ صرف ان وجوہات کی بنا پر، یہاں تک کہ اگر مونٹریکس کنونشن نے ترکی کی خودمختاری کے تحت کچھ علاقوں کی غیر فوجی حیثیت کو ختم کر دیا ہے، تو یہ توقع کرنا مناسب ہے کہ لیمنوس اور سامتھریس کی غیر فوجی حیثیت کو جاری رکھا جائے۔
ڈوڈی کینز جزائر
ڈوڈیکنیز جزائر میں سٹیمپالیا، روڈس، کالکی، اسکارپینٹو، کاسوس، پیسکوپیس، نیسائیروس، کالمنوس، لیروس، پیٹموس، لپسو، سیمی، کوس اور کاسٹیلوریزو شامل ہیں۔ پیرس امن معاہدہ (1947) کا آرٹیکل 14 یہ بتاتا ہے کہ یہ جزائر غیر فوجی رہے ہیں اورغیر فوجی رہیں گے۔ غیر فوجی سازی کی شق متعلقہ علاقے اور علاقائی پانیوں میں کسی بھی بحری، فوجی، فضائی تنصیبات، قلعہ بندی اور اسلحہ سازی پر پابندی عائد کرتی ہے۔
معاہدے کی متعلقہ دفعات پر غور کرتے ہوئے، یہ واضح ہے کہ یونان کی جانب سے ان دفعات کی خلاف ورزی بین الاقوامی قانون کی خلاف ورزی ہے۔ مزید یہ کہ پیرس امن معاہدہ ان جزائر کی غیر فوجی حیثیت کے حوالے سے ایک معروضی نظام قائم کرتا ہے۔ لہٰذا، یونان کے دعووں کے برعکس، ترکی کو یہ مطالبہ کرنے کا حق حاصل ہے کہ ان جزائر کی غیر فوجی حیثیت کا احترام کیا جائے۔
کیا یونان کے دعوے درست ہیں؟
یونان کا دعویٰ ہے کہ جزائر کو غیر فوجی بنانے سے متعلق دفعات نے اپنا جواز کھو دیا ہے اور حالات میں تبدیلی آئی ہے۔ لہذا، غیر فوجی سازی کی دفعات اب لاگو نہیں ہیں۔ مزید برآں، یونان کا دعویٰ ہے کہ جزائر کی عسکریت پسندی اس کے اپنے دفاع کے حق میں آتی ہے، اس لیے یہ بین الاقوامی قانون کے مطابق ہے۔ تاہم، اس طرح کے دعووں کی کوئی قانونی بنیاد نہیں ہے۔
یونان کا دعویٰ ہے کہ جب جزائر کی غیر فوجی حیثیت کا تعین کیا گیا تواس کے بعد حالات میں تبدیلی آئی۔ کیونکہ، بعد میں، یونان اور ترکی نے دوستی کے معاہدوں پر دستخط کیے اور دونوں ممالک نیٹو میں شامل ہوگئے۔ چونکہ وہ فوجی تصادم کے اعلی خطرے کو کم کرتے ہیں اور غیر فوجی سازی کی بنیاد بناتے ہیں، اس شق میں جزائر کو غیر مسلح کرنے کا کوئی جواز نہیں ہے۔تاہم، یونان کے دعوے درست نہیں ہیں کیونکہ غیر فوجی حیثیت کو ختم کرنے کے لیے ضروری شرائط لاگو نہیں ہوتی ہیں۔ کیونکہ، سب سے پہلے، جزائر کی غیر فوجی حیثیت کو ختم کرنے کے لیے ایک بنیادی تبدیلی لانا ہوگی۔ لیکن حقیقت یہ ہے کہ دونوں ممالک کے درمیان تعلقات بہتر ہو رہے ہیں یہ کوئی بنیادی تبدیلی نہیں ہے۔ اسی طرح، نیٹو کی رکنیت ایک ایسی بنیادی تبدیلی کی تشکیل نہیں کرتی جو فوجی تصادم کے زیادہ خطرے کو ختم کر دے۔
دوم، اس طرح کی تبدیلیاں فریقین کی ذمہ داریوں کی حد ،جیسا کہ ضروری ہوگا، کو یکسر تبدیل نہیں کرتیںآخر میں، ان حالات کا وجود یونان اور ترکی کے لیے لوزان کنونشن اور دیگر معاہدوں کے پابند ہونے کی ایک لازمی بنیاد نہیں بناتا تھا جس میں جزائر کی غیر فوجی حیثیت کو منظم کرنے کی دفعات شامل ہیں۔ کیونکہ یہ سب کثیرالجہتی معاہدے اور کنونشنز تھے جو نہ صرف یونان اور ترکئی کے درمیان تعلقات بلکہ دوسرے دستخط کرنے والے ممالک کے درمیان دوطرفہ مسائل کو بھی حل کرتے ہیں، جیسے کہ ترکی کی سرحدیں، عثمانی قرضے، یا اقلیتیں۔صرف ان وجوہات کی بنا پر، یونان جزائر کی غیر فوجی حیثیت کو تبدیل نہیں کر سکتا۔
اپنے دفاع کا دعویٰ
بین الاقوامی قانون میں اپنے دفاع کے حق کا استعمال حدود سے مشروط ہے۔ اقوام متحدہ کے چارٹر کے آرٹیکل 51 کے مطابق، اگر کسی ملک کے خلاف مسلح حملہ ہوتا ہے، تو کسی ملک کو اپنے دفاع کا حق حاصل ہے جب تک کہ اقوام متحدہ کی سلامتی کونسل اقدامات نہ کرے۔
اس پر غور کیا جائے تو یونان کے دعوے بین الاقوامی قانون کے مطابق نہیں ہیں۔ ایتھنز، یونانی فضائی حدود کی مبینہ خلاف ورزی اور ایشیا ئے صغیرکے ساحل پر، ترکی کے فوجی یونٹوں، ہوائی جہازوں اور لینڈنگ کرافٹ کی دیکھ بھال پر اپنے دفاع کے حق کی بنیاد رکھتا ہے۔ تاہم، یہ ممکن نہیں ہے کہ ان واقعات کو مسلح حملہ قرار دیا جائے کیونکہ دونوں ممالک کے درمیان کوئی جسمانی دشمنی نہیں ہے۔
اپنے دفاع کا حق محدود وقت کے لیے استعمال کیا جا سکتا ہے، یعنی جب تک کہ اقوام متحدہ کی سلامتی کونسل ضروری اقدامات نہ کرے۔ لہٰذا، یونان، اپنے دفاع کا حق استعمال کرنے دعویٰ کی بنیاد پر، غیر معینہ مدت تک جزائر کو فوجی طاقت سے مسلح نہیں کر سکتا۔
تمام عملی مقاصد کے لیے، ایجین جزائر پر ایتھنز کے دعووں میں کوئی سچائی نہیں ۔ تمام شواہد اس کی طرف اشارہ کرتے ہیں۔
