صراط عشق صراط عشق
غزہ کے جنوبی شہر رفح پر صیہونی حکومت کے حملوں میں 12 خواتین اور 11 بچوں سمیت کم از کم 32 فلسطینی شہید ہو گئے جب کہ دیر البلاح میں بھی قابض فوج کے جرائم کے نتیجے میں 22 شہید اور درجنوں زخمی ہو ئے۔
الجزیرہ کے حوالے سے ہے بتایا ہے کہ غزہ کے جنوبی شہر رفح میں رہائشی مکانات پر اسرائیلی فضائی حملوں میں پچھلے چند گھنٹوں کے دوران 32 فلسطینی شہید ہوئے جن میں سے 12 خواتین اور 11 بچے شامل ہیں۔
دوسری طرف غزہ کے وسطی شہر دیر البلاح میں ایک رہائشی مکان پر صیہونی حکومت کے فضائی حملے میں کم از کم 22 فلسطینی شہید ہو گئے، جن میں سے اکثر خواتین اور بچے ہیں۔
قابض صیہونی فوج نے غزہ کے محلے "الشجاعیہ” کو بھی راکٹ حملوں کا نشانہ بنایا جس کے نتیجے میں متعدد افراد شہید یا زخمی ہوئے۔
