صراط عشق صراط عشق
فلسطینی ذرائع نے غزہ کی پٹی میں جنگ کے آغاز سے اب تک 136 صحافیوں کی شہادت کی خبر دی ہے۔
غزہ کی پٹی میں فلسطینی حکومت کے اطلاعاتی دفتر نے قابض صیہونی فوج کے حملوں میں مزید 3 صحافیوں کی شہادت سے آگاہ کیا ہے۔
رپورٹ کے مطابق غزہ کے جنوب مشرق میں الکوائی اسکوائر پر بمباری سے زخمی ہونے والا محمد الریفی زخموں کی تاب نہ لاتے ہوئے چل بسا۔
نیز عبدالرحمن صایمہ غزہ کی پٹی کے البریج کیمپ پر بمباری کے نتیجے میں شہید ہوئے۔
دوسری جانب قدس چینل کے اینکر پرسن اور مذہبی پروگرام آرگنائزر محمد عماد عیسیٰ غزہ پر بمباری کے نتیجے میں اپنے اہل خانہ سمیت شہید ہوگئے۔
ان 3 صحافیوں کی شہادت سے جنگ کے آغاز سے اب تک غزہ میں شہادت پانے والے صحافیوں اور میڈیا کارکنوں کی تعداد 136 ہو گئی ہے۔
