صراط عشق صراط عشق
جب مشرق وسطیٰ میں امریکہ کے دو وفادار اتحادیوں، سعودی عرب اور متحدہ عرب امارات (یو اے ای) نے واشنگٹن کے ساتھ سردمہری کا رویہ اختیار کیا، تو آپ جان گئے ہوں گےکہ ‘امریکہ کے بعدوالا’ مشرق وسطیٰ حقیقی طور پر ظاہر ہو چکا ہے۔
درحقیقت، یہ محض ایک جھنجھلاہٹ سے کہیں زیادہ تھا۔ یہ سراسر رد کر دینے کا ایک عمل تھا جب سعودی ولی عہد شہزادہ محمد بن سلمان اور متحدہ عرب امارات کے صدر محمد بن زاید نے صدر بائیڈن کا فون اٹھانے سے انکار کر دیا تھا ۔بلکہ ان کا یہ عمل ، ان کوششوں کا ایک حصہ تھا جس کا مقصد یوکرین جنگ کے تناظر میں، روسی تیل کے متبادل غیر روسی تیل کی پیداوار میں اضافہ کرنا تھا
اگرچہ دونوں خلیجی شہزادوں کے پاس بائیڈن انتظامیہ کے خلاف ناراضگی کے اپنے اپنے جواز اور یہاں تک کہ ‘جائز’ ذرائع تھے، لیکن واشنگٹن اور اس کے خلیجی اتحادیوں کے درمیان تعلقات کی تاریخ اور نوعیت کے پیش نظر یہ سلوک اب بھی حیران کن تھا۔
چونکہ ریاض اور ابوظہبی دونوں ہی دہائیوں سے اپنی بقا اور وجود کے لیے تقریباً مکمل طور پر امریکی سکیورٹی شرائط پر انحصار کرتے رہے ہیں، اس لیے ان کے دوطرفہ تعلقات کی تاریخ میں اس طرح مؤخر الذکر کے سامنے کھڑے ہونے کی مثالیں، سوائے چند واقعات کے، تلاش کرنا آسان نہیں ہے۔
اس سے بھی اہم بات یہ ہے کہ ریاض اور ابوظہبی کا بائیڈن سے کنارہ کشی صرف ایک ’ایک بار‘ احتجاج تک محدود نہیں تھی۔ ان کی خلاف ورزی کا عمل بھی ٹھوس پالیسی پر مبنی ہے۔ بائیڈن کے ریاض کے اعلیٰ سطحی دورے کے کچھ ہی دیر بعد، جو بنیادی طور پر واشنگٹن کے روایتی اتحادیوں کو ‘یقین دلانے’ کے بارے میں تھا کہ ‘امریکہ نے خطے کو ‘نہیں چھوڑا اور نہیں چھوڑے گا’ اور یقیناً، انہیں تیل کی پیداوار میں اضافہ کرنے کے لیے مجبور کرنا تھا ،امریکی درخواست کے بالکل برعکس OPEC+ نے پیداوار میں کمی کا اعلان کر دیا۔
اگرچہ کوئی یہ دلیل دے سکتا ہے کہ یہ ریاض اور ابوظہبی کی متعلقہ قومی پالیسی یا فیصلے کے بجائے OPEC+ کا فیصلہ تھا، لیکن ریاض کو تنظیم پر غلبہ حاصل کرنے کے لیے جانا جاتا ہے، خاص طور پر کئی دہائیوں سے تیل کی پیداوار کے حجم سے متعلق فیصلوں کے حوالے سے۔ مزید برآں، OPEC+ ایک غیر سرکاری تشکیل ہے، جو بنیادی طور پر روس کی قیادت میں تیل پیدا کرنے والے دیگر ممالک کے اضافے کے ساتھ ایک توسیع شدہ OPEC ہے۔
جس طرح OPEC پر ریاض کا عشروں سے غلبہ رہا ہے، اسی طرح یہ کہنا محفوظ ہے کہ OPEC+ کی تشکیل کے بعد سے ریاض اور ماسکو کا غلبہ بالکل اسی انداز میں رہا ہے۔ چونکہ اوپیک + کا تیل کی پیداوار میں کمی کا فیصلہ ریاض، ماسکو اور ابوظہبی کے سرکردہ ارکان کی مشترکہ آشیر باد کے بغیر ممکن نہیں ہوگا، اس لیے بائیڈن کے خلاف ریاض اور ابوظہبی کا عمل ایک اور معنی حاصل کرتا ہے۔
ایک ایسے وقت میں جب بائیڈن شدت سے روسی تیل اور گیس کا کوئی متبادل تلاش کر رہے ہیں، حتیٰ کہ ایران اور وینزویلا کا دروازہ کھٹکھٹانے کی حد تک بھی جا چکے ہیں۔ ایسے میں طویل مدتی ‘وفادار’ امریکی اتحادی ریاض اور ابوظہبی نہ صرف واشنگٹن کی درخواست کو پورا نہیں کررہے ، بلکہ ماسکو کے ساتھ ہم آہنگی میں،امریکی بائیڈن کی ناراضگی کی قیمت پر مل کر کام کر رہے ہیں۔
بائیڈن کے سخت ‘مشورے’ کے باوجود ریاض اور ابوظہبی کی ماسکو کے ساتھ صف بندی نہ صرف توانائی کے مفادات پر حادثاتی اور شعبہ جاتی یکجہتی کے بارے میں ہے بلکہ واشنگٹن کے ساتھ ان کے تعلقات کی نوعیت میں ایک بڑی تبدیلی کے بارے میں بھی ہے۔ درحقیقت اس تبدیلی نے نہ صرف سعودی عرب اور متحدہ عرب امارات بلکہ مشرق وسطیٰ میں امریکہ کے دیگر تمام روایتی اتحادیوں جیسے اسرائیل، مصر اور حتیٰ کہ نیٹو کے اتحادی ترکی کو بھی متاثر کیا۔
تبدیلی راتوں رات نہیں آئی۔ بلکہ یہ طویل عرصے سے واشنگٹن کے ‘ایشیا کی طرف محور’ کے اسٹریٹجک انتخاب کے بعد سے تیار ہونے والا منظر نامہ ہے، جس نے مشرق وسطیٰ کو آہستہ آہستہ لیکن مستقل طور پر واشنگٹن کے لیے کم ترجیح اورکم دلچسپی والے خطے میں تبدیل کر دیا۔
واشنگٹن کے لیے ترجیحی خطہ کے طور پر مشرق وسطیٰ کی بتدریج انحطاط پزیری، لامحالہ اس کی مشرق وسطیٰ میں اپنے روایتی اتحادیوں کے قومی اور اہم مفادات سے لاپرواہی کا باعث بنی۔ یہ غفلت پچھلی دہائی کے دوران واشنگٹن کے بعض پالیسیاں منتخب کرنے سے بھی بڑھ گئی ہے، جو اس کے روایتی اتحادیوں کی نظر میں ‘مخالفانہ کارروائیوں’ کے مترادف ہے۔
سعودی عرب اور متحدہ عرب امارات کے ساتھ اپنے متعلقہ تعلقات کے بارے میں واشنگٹن کے نقطہ نظر میں تبدیلی کو ایڈجسٹ کرنے کی جدوجہد کے ایک تکلیف دہ دور کے بعد، علاقائی سرگرم کار اداکاروں نے بالآخر واشنگٹن کے ساتھ اپنے تعلقات کی نوعیت کو تسلیم کر لیا ہے کہ یہ کیا ہے: یہ اب ایک مستحکم اور تزویراتی رشتہ نہیں ہے، لیکن ایک غیر مستحکم اور لین دین کا رشتہ ہے۔
علاقائی سرگرم کار لوگوں کی طرف سے اس پہچان کا فطری نتیجہ گزشتہ دہائی کے دوران ماسکو اور بیجنگ دونوں کے ساتھ نئے تعلقات استوار کرتے ہوئے، واشنگٹن کے ساتھ اپنے تعلقات کو متنوع اور متوازن بنا یا جارہا ہے۔
تمام علاقائی اداکاروں نے واشنگٹن کی غیر موجودگی میں ماسکو اور بیجنگ کے ساتھ مختلف درجوں کی سودے بازی کے ذریعے اپنے قومی مفادات کو یقینی بنانے کا ایک طریقہ تیار کیا، اور روس یا چین میں سے کسی کے ساتھ ‘کاروبار کرنا ، درحقیقت شاید آسان نہیں ثابت ہوا – — لیکن واشنگٹن کے ساتھ معاملات کرنے کے مقابلے میں قابل پیش گوئی اور نسبتا” مستحکم ثابت ہوا۔
واشنگٹن نے مشرق وسطیٰ میں، ایک دہائی پر محیط، اپنے علاقائی اتحادیوں کے قومی مفادات کو الگ کرنے، نظرانداز کرنے اور بعض اوقات یہاں تک کہ نقصان پہنچانے کے طرز عمل کے نتیجے میں اپنے روایتی اتحادیوں کے لیے ایک قابل اعتماد پارٹنر یا اتحادی بننا چھوڑ دیا ہے ۔
یہ کوئی اتفاق نہیں ہے کہ مشرق وسطیٰ میں امریکہ کے تمام بڑے روایتی اتحادی سعودی عرب، متحدہ عرب امارات، مصر، ترکی اور حتیٰ کہ اسرائیل نے روس کے خلاف ملا جلا موقف اپنایا اور ماسکو کے ساتھ اپنے مضبوط تعلقات کی وجہ سے یوکرین کی جنگ میں واشنگٹن کی ہلڑ بازی کی مزاحمت کی۔ .
ان علاقائی سرگرم کار قوتوںمیں سے کوئی بھی ناقابل پیشین گوئی اور لاپروا واشنگٹن کی خاطر ماسکو کے ساتھ اپنے تعلقات کو نقصان پہنچانے یا منقطع کرنے کے موڈ میں نہیں ہے۔ یہی وجہ ہے کہ ہم علاقائی اداکاروں کی جانب سے واشنگٹن کے ساتھ کھڑے ہونے کے معاملے میں غیرمتوقع کارروائیوں کا مشاہدہ کر رہے ہیں، جو کہ موجودہ حالات میں اتنے ہی ناقابل فہم ہے جتنا کہ ایک دہائی پہلے تھا۔
