صراط عشق صراط عشق
پولینڈ کے ایک گاؤں میں میزائل کے حملے اور یوکرین کے ساتھ اس کی سرحد کے قریب دو افراد کی ہلاکت کے چند گھنٹوں کے اندر، امریکی صدر جو بائیڈن دنیا کو بتا رہے تھے کہ اس حملے کے پیچھے روس کے ملوث ہونے کا کوئی "امکان نہیں” ہے۔
بائیڈن کی انتظامیہ نے ماسکو کے ساتھ جنگ میں یوکرین کی مضبوطی سے حمایت کی ہے، یوکرین کی فوج کو طاقتور راکٹوں سے مسلح کرنے میں مدد کی ہے اور لاکھوں،کروڑوں ڈالر کی امداد فراہم کی ہے۔
یہ حقیقت جس کیوجہ سے خود امریکی صدر نے اپنےاعصاب کو پرسکون کرنے میں جلدی کی تھی، اس خطے کی تاریخ کے بارے میں بہت کچھ کہتی ہے،وہ خطہ جس نے دو عالمی جنگوں کی تباہی دیکھی ہے۔
پولینڈ شمالی اٹلانٹک ٹریٹی آرگنائزیشن (نیٹو) کا ایک رکن ہے، جو کہ امریکہ کی زیرقیادت طاقتور سکیورٹی اتحاد ہے جو اپنے کسی رکن پر حملہ ہونے کی صورت میں مشترکہ ردعمل کا حکم دیتا ہے۔
یہ میزائل یوکرین کی سرحد کے قریب پرزیووڈو گاؤں کے قریب ایک جگہ پر گرا۔
پولینڈ کی وزارت خارجہ نے میزائل کو "روسی ساختہ” قرار دیا ہے لیکن جاری تنازعہ میں یوکرین نے اپنے سوویت دور کے گولہ بارود اور ہتھیاروں کا ذخیرہ استعمال کیا ہے، بشمول زمین سے فضا میں مار کرنے والے S-300 میزائلوں کے۔
بالی، انڈونیشیا میں G20 سربراہی اجلاس کے لیے عالمی رہنماؤں نے میٹنگ کی،وہ اس واقعے پر تبادلہ خیال کے لیے ایک ہنگامی اجلاس میں اکٹھے ہوئے۔ اور یہ کوئی تعجب کی بات نہیں ہے کہ انہیں کیوں فکر مند ہونا چاہئے۔
بہر حال، دوسری جنگ عظیم اس وقت شروع ہوئی جب پولش گاؤں میں ایک نسبتاً معمولی واقعہ عالمی تنازعے کی شکل اختیار کر گیا جس نے امریکہ، جرمنی، روس، برطانیہ، فرانس اور جاپان سمیت کئی دوسرے ممالک کو موت اور تباہی کی دلدل میں گھسیٹ لیاتھا۔
ایک جعلی حملے کی کاروائی
دوسری جنگ عظیم، جس میں 70 ملین سے زیادہ لوگ مارے گئے، پولینڈ کے ارد گرد واقع ایک واقعے سے شروع ہوا۔
1930 کی دہائی کے آخر تک، ایڈولف ہٹلر کے ماتحت نازی جرمنی نے آہستہ آہستہ پولینڈ کے خلاف بیان بازی شروع کر دی تھی، اور مطالبہ کیا تھا کہ پولینڈ ک بعض علاقوں کو برلن کے حوالے کر دیا جائے۔
ایک متنازعہ مسئلہ بحیرہ بالٹک پر واقع فری سٹی آف ڈانزگ تھا جو لیگ آف دی نیشنز کی نگرانی میں تھا جس پر اس وقت سے 1914-1918 کی پہلی جنگ عظیم میں جرمنی نے اپنا کنٹرول کھو دیا تھا۔
جرمن ریڈیو اور اخبارات پر مہینوں کے پروپیگنڈے کے بعد، جس نے پولینڈ پر جارحانہ انداز میں کام کرنے کا الزام لگایا، ہٹلر نے جرمن رائے عامہ کو جنگ کے حق میں منتقل کرنے کے لیے ایک جعلی جنگی آپریشن کے لیے آگے بڑھنے کی اجازت دی۔
ہٹلر نے حملے سے چند دن پہلے لیگ آف نیشنز کے ہائی کمشنر کو ایک میٹنگ میں کہا تھا کہ ’’اگر ذرا سی بھی اشتعال انگیزی ہوئی تو میں پولینڈ کوبغیر کسی انتباہ کے اتنے ٹکڑوں میں تقسیم کر دوں گا کہ اٹھانے کے لیے کچھ نہیں بچے گا۔‘‘
31 اگست 1939 کی شام کو، جرمنی کی ایس ایس اسپیشل فورسز کی ایک ٹیم نے، شہری لباس پہنے اور پولش باغی ہونے کا بہانہ کرتے ہوئے، جرمن شہر گلیوِٹز (اب پولینڈ کا حصہ اور گلیوائس کے نام سے جانا جاتا ہے) کے ایک ریڈیو اسٹیشن پر حملہ کیا۔
"توجہ! یہ گلیوائس ہے۔ براڈکاسٹنگ سٹیشن پولینڈ کے ہاتھ میں ہے،‘‘ جرمن فوجیوں نے پولش باغیوں کی نقل کرتے ہوئے اعلان کیا۔
اسے پولینڈ کے حملے جیسا بنانے کے لیے، ایس ایس کے سپاہیوں نے پولش شہریت کے جرمن شہری فرانسزیک ہونیوک کی لاش ریڈیو اسٹیشن کے دروازے پر چھوڑ دی۔ ہونیوک نامی کسان کو چھاپے سے ایک دن پہلے گرفتار کیا گیا تھا، اسے نشہ آور چیز دینے کے بعد سر میں گولی مار کر قتل کردیا گیاتھا۔
اگلے دن، 1 ستمبر کو، ہٹلر نے پولینڈ پر حملوں کا جواز پیش کرنے کے لیے پولش کے دیگر مبینہ اشتعال انگیزیوں کے ساتھ گلیوِٹز پر حملے کا حوالہ دیا۔ دوسری جنگ عظیم شروع ہو چکی تھی۔
پہلی بار نہیں۔
پولینڈ پر میزائل حملہ یوکرائن کی جنگ کا واحد واقعہ نہیں ہے جہاں حالات پر اسرار چھائے ہوئے ہیں۔
26 ستمبر کو، نارڈ اسٹریم پائپ لائنوں میں زور دار دھماکے ہوئے، جو روسی گیس کو بحیرہ بالٹک کے ذریعے جرمنی پہنچاتی ہیں۔
دھماکے بڑی بین الاقوامی خبریں تھیں، خاص طور پر چونکہ زیر سمندر پائپ لائنوں کو نشانہ بنانے کے لیے ایک نفیس اور اچھی طرح سے مربوط آپریشن کی ضرورت ہوتی ہے۔
سویڈن اور ڈنمارک، جو علاقائی پانی کا اشتراک کرتے ہیں جہاں سے پائپ لائنیں گزری تھیں، نے اپنی تحقیقات مکمل کر لی ہیں۔ اس کے باوجود، دونوں ممالک نے اپنے نتائج کو سامنے لانے کے بارے میں سخت رویہ اختیار کیا ہے۔
اسٹاک ہوم اپنی تحقیقات کو خفیہ رکھنے کے لیے قومی سلامتی کے خدشات کا بیان استعمال کر رہا ہے۔
دوسری جانب روس جو کہ نارڈ سٹریم کا اکثریتی مالک ہے، نے پائپ لائنوں پر حملے کے لیے کھلے عام برطانیہ کو ذمہ دار ٹھہرایا ہے۔
ایک پریشان اور تناؤ کی شکار دنیا کے لیے، یوکرائن کے اس تنازعے سےاکتائی ہوئی جو، تنفر آمیزمسلح تصادم کی طرف بڑھتا دکھائی دیتا ہے، پولینڈ پر میزائل حملےنے واضح وجوہات کی بنا پر خام اعصاب کوچھیڑ دیا ہے۔
کیونکہ، جیسا کہ وہ کہتے ہیں، جو لوگ تاریخ کو بھول جاتے ہیں، انہیں اکثر اسے دہرانے کی مذمت اٹھانا پڑتی ہے۔
