مسجد سہلہ میں معروف ترانے سلام فرماندہ ﴿سلام یا مہدی عج﴾ کا بڑا اجتماع

مسجد سہلہ ایک انتہائی مقدس مسجد ہے جو امام زماننہ ﴿عجل الله تعالی فرجه﴾ سے منسوب ہے۔ عراق کے مقامات مقدسہ کی زیارات پر جانے والے تمام زائرین حتمی طور پر مسجد سہلہ بھی جاتے ہیں کہ جہاں امام وقت ﴿عجل الله تعالی فرجه﴾ کے ساتھ تجدید بیعت کے ساتھ ساتھ مسجد کے مخصوص اعمال بھی بجا لاتے ہیں۔

یاد رہے کہ معروف ایرانی ترانہ سلام فرماندہ امام زمانہ ﴿عجل الله تعالی فرجه﴾ سے اظہار عقیدت کے لئے پیش گیا ہے اور فارسی ترانے کے ریلیز ہونے کے بعد اسے عربی اور اردو سمیت دنیا کی دیگر متعدد زبانوں میں بھی پیش کیا گیا ہے۔ عربی اور اردو میں ترانے کا ٹائٹل سلام یا مہدی ہے جبکہ اردو میں سلام فرماندہ کے ٹائٹل کے ساتھ بھی موجود ہے۔