ایرانی وزیر خارجہ کی روسی نائب وزیر خارجہ سے ملاقات؛ جنوبی قفقاز 3+3 فارمیٹ کے اجلاس کی میزبانی کے لیے تیار ہیں، امیرعبداللہیان

 ، ان خیالات کا اظہار ایران کے وزیر خارجہ حسین امیر عبداللہیان نے پیر کے روز تہران میں روس کے نائب وزیر خارجہ الیگزینڈر وکٹورووچ گرشکو کے ساتھ ایک ملاقات میں گفتگو کرتے ہوئے کیا۔

ملاقات کے دوران ایرانی وزیر خارجہ نے نے علاقائی تعاون کی اہمیت پر زور دیا۔ انہوں نے 3+3 فارمیٹ کے ممالک یعنی روس، ایران، ترکی اور تین جنوبی قفقاز کے ملکوں کے وزرائے خارجہ کے اجلاس کی میزبانی کے لیے ایران کی تیاری کا بھی اعلان کیا۔

روس کے نائب وزیر خارجہ الیگزینڈر وکٹورووچ گرشکو نے دوطرفہ، علاقائی اور بین الاقوامی سطح پر دونوں ملکوں کے مشترکہ تعاون کا ذکر کرتے ہوئے تہران اور ماسکو کے درمیان تعاون کے فروغ کو بہت اہم قرار دیا۔

درایں اثنا روسی نائب وزیر خارجہ نے ایران کے نائب وزیر خارجہ برائے سیاسی امور علی باقری کنی سے بھی ملاقات اور گفتگو کی جس میں یوکرین کی جنگ، افغانستان، شام، وسطی ایشیا اور قفقاز کی صورتحال سمیت متعدد علاقائی اور بین الاقوامی امور پر تبادلہ خیال کیا گیا۔