ایرانی وزیر خارجہ کی عراقی صدر سے ملاقات، دوطرفہ تعلقات پر تبادلہ خیال

 ، ایران کے وزیر خارجہ حسین امیر عبداللہیان جو اس وقت عراق کے سرکاری دورے پر ہیں، نے آج عراق کے صدر عبداللطیف رشید سے ملاقات کی۔ ملاقات کے دوران امیر عبداللہیان نے ایران عراق دوطرفہ تعلقات کے فروغ پر زور دیا۔دونوں رہنماوں کے درمیان بات چیت کے موضوعات میں سرحدی سلامتی اور عراق کا ایران پر قرض سمیت دیگر امور بھی شامل تھے۔

عراقی صدر نے ایران اور عراق کے تعلقات کو جامع اور گہرے قرار دیا اور ایران کے ساتھ تعلقات کو تمام شعبوں میں فروغ دینے کے لیے اپنے ملک کے عزم پر بھی زور دیا۔عراق کے ایوان صدر کے میڈیا آفس نے کہا ہے کہ عبداللطیف رشید کو ایرانی صدر آیت اللہ رئیسی کی جانب سے اسلامی جمہوریہ ایران کے دورے کی سرکاری دعوت موصول ہوئی ہے۔