صراط عشق صراط عشق
سابق صہیونی فوجی جنرل نے کہا ہے کہ رفح پر حملے کا مقصد سیاسی اہداف کا حصول اور نتن یاہو کابینہ کو بے دخل ہونے سے بچانا ہے۔
غزہ کے جنوبی علاقے رفح پر صہیونی حکومت کے حملے کے بعد اسرائیل کے اندر سے اس کی مخالفت میں صدائیں بلند ہونے لگی ہیں۔
تازہ ترین اطلاعات کے مطابق صہیونی فوج کے سابق جنرل گاڈی چمنی نے رفح پر حملے کو وزارت جنگ کی جانب سے ریڈلائن کو عبور کرنے کی مانند قرار دیا ہے۔
صہیونی ذرائع ابلاغ کے مطابق انہوں نے کہا ہے کہ اسرائیل نے رفح پر سیاسی اہداف کے تحت حملہ کیا جس کا بنیادی مقصد نتن یاہو بے دخلی کی راہ مسدود کرنا ہے۔
انہوں نے مزید کہا کہ صہیونی انتہا پسند وزراء اسموتریچ اور بن گویر کی دھمکیوں کی وجہ سے وزارت جنگ نے رفح پر چڑھائی کی ہے کیونکہ دونوں وزراء نے دھمکی دی تھی کہ رفح پر حملہ نہ کرنے کی صورت میں کابینہ کو تحلیل کیا جائے گا۔
گاڈی چمنی نے کہا کہ اسموتریچ فلسطینی عوام کو رفح سے نکالنے پر مصر ہیں اسی لئے حملے کے لئے ایڑی چوٹی کا زور لگا رہے ہیں۔
