صراط عشق صراط عشق
اسرائیلی صدر اسحاق ہرٹزوگ کے دورہ بحرین کے خلاف بحرینی عوام کے مظاہرے گزشتہ روز بھی جاری رہے۔
کے مطاب عرب ذرائع ابلاغ نے خبر دی ہے کہ بحرین کے عوام گزشتہ دنوں کی طرح گذشتہ رات بھی غاصب صیہونی حکومت کے صدر اسحاق ہرٹزوگ کے دورے کے خلاف احتجاج کے لیے منامہ کی سڑکوں پر نکل آئے۔
یاد رہے کہ صہیونی صدر رواں ہفتے کو اپنے دورہ بحرین کے سلسلے میں اتوار کے دن دار الحکومت منامنہ پہنچیں گے۔ مظاہروں کے دوران بحرینی عوام نے بحرین اور فلسطین کے جھنڈے اٹھا رکھے تھے اور آل خلیفہ حکومت اور غاصب صہیونی ریاست کے درمیان تعلقات کو معمول پر لانے کے لیے صہیونی حکومت کے سربراہ کے دورہ بحرین کی شدید مذمت کی۔
صہیونی ذرائع نے اعلان کیا ہے کہ صہیونی حکومت کے صدر اسحاق ہرٹزوگ بحرین کے بادشاہ حمد بن عیسی آل خلیفہ کی دعوت پر 4 دسمبر (کل اتوار) کو منامہ کا دورہ کریں گے۔
صہیونی ٹی وی چینل 13 نے خبر دی ہے کہ ہرٹزوگ اس سفر کے دوران بحرین کے بادشاہ، ملک کے اعلیٰ حکام اور یہودی اقلیت کے نمائندوں سے ملاقات کریں گے۔
ہرٹزوگ کا متحدہ عرب امارات اور بحرین کا دورہ تعلقات کو معمول پر لانے کے معاہدوں (ابراہیمی معاہدے) پر دستخط کے دو سال بعد ہو رہا ہے جبکہ ان معاہدوں پر ڈونلڈ ٹرمپ کی صدارت میں اس وقت کی امریکی حکومت کی نگرانی میں دستخط کیے گئے تھے۔
