صراط عشق صراط عشق
کتائب سید الشہدا کے سیکریٹری جنرل نے کہا ہے کہ جب تک غزہ پر صہیونی جارحیت اور عراق پر امریکی قبضہ ہے، ہماری کاروائیاں جاری رہیں گی۔
، عراقی مقاومتی تنظیم کتائب سید الشھداء کے سیکریٹری جنرل ابوالاء الولایی نے کہا ہے کہ مقاومتی تنظیموں کی جانب سے امریکی اور صہیونی تنصیبات پر حملے جاری رکھیں گے۔
انہوں نے ایکس کے صفحے پر لکھا ہے کہ اللہ کے فضل سے قابض قوتوں کا زوال شروع ہوچکا ہے جبکہ مقاومت اور عوام کبھی ختم نہیں ہوں گے۔
الولائی نے مزید لکھا ہے کہ جب تک صہیونی حکومت غزہ میں فلسطینی بے گناہ عوام پر حملے بند نہ کرے اور امریکہ عراق سے فوجی اڈے ختم کرکے چلا نہ جائے، تنظیم کی کاروائیاں جاری رہیں گی۔
یاد رہے کہ بغداد میں واقع امریکی سفارت خانے پر حملے جاری ہیں۔ سفارت خانے کے مطابق آج صبح بھی سفارت خانے کی عمارت پر دو راکٹ حملے ہوئے ہیں۔
